ఈ పుట అచ్చుదిద్దబడ్డది
రేకు: 0208-2 సౌరాష్ట్రం సంపుటం: 08-044
పల్లవి:
మమ్మేమి బుజ్జగించేవు మాకేమి
సమ్మతించి నీకు సంతోసములై తేమేలు
చ. 1:
పయ్యద జారిననేమి భ్రమసిన నేమి నేను
నెయ్యమెంత చేసినాను నీకుమేలు
యియ్యెడ సతులతోన నెమ్మెలు మెరసేనీకు
అయ్యజియ్యవెట్టినాను అప్పటినిమేలు
చ. 2:
పవ్వళించి వుంటేనేమి బడలి వుండితేనేమి
నివ్వటించి కాఁగిలించ నీకుమేలు
రవ్వగా నీకొలువులో రాజసము చెల్లించి
పువ్వులవేసినందుకు పొగడితే మేలు
చ. 3:
తలవీడి వుంటేనేమి తప్పకచూచిననేమి
నెలవునఁగూడితివి నీకుమేలు
చెలఁగి శ్రీవేంకటేశ చేత నన్ను నేలితివి
యెలమి మనసరసాలెందుకైనమేలు