ఈ పుట అచ్చుదిద్దబడ్డది
రేకు: 0207-6 దేవగాంధారి సంపుటం: 08-042
పల్లవి:
రారే ఆతనినేల రవ్వసేసేరు
దూరించుకోడు వచ్చిసంతోస పెట్టీనిపుడు
చ. 1:
చతురుఁడైనవాఁడు చనవులిచ్చినవాఁడు
సతిఁ గరుణించి మన్నించక మానునా
మతిలోఁ బాయనివాఁడు మనమువెప్పినదాఁక
యితవెరగనిచేఁత లింతసేసీనా
చ. 2:
మాటలాడేయట్టివాఁడు మర్మమెరిఁగినవాఁడు
ఆఁటదానికి బాసిచ్చి అదెరఁగఁడా
సూటిదెలిసినవాఁడు సొలసి యందరిచేత
కూటమిఁ గొసరింపంచుకొనఁ బోయీనా
చ. 3:
శ్రీ వెంకటాద్రివాఁడు చేరి నమ్మించినవాఁడు
యీవనితఁ గలసి తానెరవయ్యీనా
దేవుఁడితఁడైనఁవాఁడు తెరవలు నవ్వేదెల్ల
భావించుకొనుచు మేలే పచరించఁడా