ఈ పుట అచ్చుదిద్దబడ్డది
రేకు: 0207-5 శ్రీరాగం సంపుటం: 08-041
పల్లవి:
ఇంతయేటికి చాలు నిందరూ వినేరు
రంతుసేయకిపుడిట్టే రావయ్యలోనికి
చ. 1:
కోపములెల్లాఁ బాసె కొఱతలెల్లాఁ దీరె
ఆపొద్దే నీవురాఁగా నలుకమానె
నీపలుకులెల్లావింటి నీవు వేఁడు కొననేల
రాఁపుసేయకిపుడిట్టే రావయ్యలోనికి
చ. 2:
వేసటయించుకలేదు వెరపులు పనిలేదు
సేసలునీవు వెట్టఁగఁ జింతయింకేలా
నీసేఁతలెల్లా మంచివే నిన్నునాడఁజోటులేదు
రాసికెక్కెవలపులు రావయ్యలోనికి
చ. 3:
చెమటలు చల్లనారె చిత్తమువుడుకు వోయ
నెమకి శ్రీవేంకటేశ నీవుగూడఁగా
తమకములిద్దరిని తప్పులెవ్వరికి లేవు
రమణుఁడ నీకు మొక్కే రావయ్యాలోనికి