ఈ పుట అచ్చుదిద్దబడ్డది
రేకు: 0206- 2 బౌళి సంపుటం: 08-032
పల్లవి:
సేయవయ్య నీవు నీచిత్తము వచ్చినట్టల్లాను
యీయెడ నీమతకములెట్టుగాఁగలదో
చ. 1:
నగవులే తరచాయ నాకు నీకునేపొద్దు
వగటులే మీఁదమీఁదఁ బాయకున్నవి
మొగముచూపులే కడు ముంచుకొనునేపొద్దు
యెగసక్యాలిఁకమీఁదనెట్టుగాఁగలదో
చ. 2:
ముచ్చటలే గనమాయ మోహములనిద్దరికి
రచ్చలఁ బడెను లోలో రతులెల్లాను
పచ్చిదేరెఁ బంతములు పైపై సరసమాడఁగా
యెచ్చరికలిటమీఁదనేమిగాఁగలదో
చ. 3:
యేకతాలు సమకూడెనియ్యకోళ్ళేమనకు
వాకులు పోకులు వొక వావి గూడెను
చేకొని శ్రీవేంకటేశ జిగినన్నుఁ గూడితివి
యీకడ మేలుకు మేలులెంతేసి కాఁగలదో