ఈ పుట అచ్చుదిద్దబడ్డది
రేకు: 0249-2 శుద్దవసంతం సంపుటం: 08-290
పల్లవి:
పెనఁగకువే యిఁక ప్రియునితో నీవింత
మనసు లెఱుఁగుదుము మరి మాటలేలే
చ. 1:
అలుకదేరిచి పతి అట్టె పైకొనఁగాను
చలమరితనమేల సతులకును
జలజలఁ జెమరించె జాజుకొనఁ బులకించె
చెలఁగి వేగి మిగిలి చీఁకటులు గలవా
చ. 2:
నవ్వు నవ్వి యీతఁడె వనుపులు సేయఁగాను
రవ్వలఁ బెట్టఁగనేలే రామలకును
జవ్వనపు కళలుబ్బె సమ్మతులు మతికబ్బె
పువ్వులలోపలిపొల్ల పూఁచిచెప్పఁగలవా
చ. 3:
శ్రీవెంకటేశ్వరుఁడు చెక్కునొక్కి వేఁడుకోఁగా
వేవేలు మాఁటలేలే యీవెలఁదులకు
నీవాతనిఁ గూడితివి నీటులునుఁ జూపితివి
చేవల చిగురు నాఁడె సేసిపెట్టఁగలవా
