ఈ పుట అచ్చుదిద్దబడ్డది
రేకు: 0249-1 శ్రీరాగం సంపుటం: 08-289
పల్లవి:
గొల్లెతలై తేనె కొఱతా
పల్లదపు నీచే పడిరిగాకా
చ. 1:
కంచుఁబదనుల కాంతల నేఁడిట్టె
వంచుకొన నీకువసమా
పంచబాణముల దారికి లోనై
ముంచి చేతులెత్తి మొక్కిరిగాకా
చ. 2:
కోడెవయసు కొమెరలేమల
వాడికెకుఁ దేనువసమా
కూడఁగూడఁ బిల్లఁగోవి రాగాలకు
వాడవారు వెంటవచ్చిరిగాకా
చ. 3:
కొలఁదిలేనట్టి గుబ్బెతలనెల్ల
వలపించుకొనవసమా
యెలమి శ్రీవెంకటేశ కూడఁగాను
సొలసి చనవుచూపరిగాకా
