ఈ పుట అచ్చుదిద్దబడ్డది
రేకు: 0248-5 సామంతం సంపుటం: 08-287
పల్లవి:
దొరలకె కానిలేదు తుంటతనము
జరసి నీతో నవ్వ సరిదాననా
చ. 1:
పతినలు వలుకఁగఁ బలుమారుఁగొసరఁగ
కతగరిచినవారుగాని నేరరు
మతిఁ బెట్టుకొని సారె మమ్మునే నమ్మించేవు
చతురతఁ బెనఁగ నీసరిదాననా
చ. 2:
బడిబడిఁ దిరుగఁగ పైపై బుజ్జగించఁగ
గడుసులయినవారుగాని నేరరు
అడియాసలు వుట్టించి ఆయము లేలంటేవు
సడిఁబెట్టి నిన్నుదూర సరిదాననా
చ. 3:
రాయడిరతిఁ బెనఁగ రారాఁపులకు నోప
కాయాటులయినవారుగాని నేరరు
యీయెడ శ్రీవెంకటేశ యిటునన్నుఁ గూడితివి
చాయలు బోధించ నీకు సరిదాననా