ఈ పుట అచ్చుదిద్దబడ్డది
రేకు: 0248-3 భైరవి సంపుటం: 08-285
పల్లవి:
పూవువంటిదానను పూఁపవంటిది వయసు
సావదానమున నీసంసారఫలము
చ. 1:
నీవు బోధించినయట్టి నిజములె నానిజము
భావించి నీవు నడపె పంతము నాది
లావుల నీమన్నన కొలఁదుల వారమువేము
వోవసేసి మమ్ము నేల వొరసేవువిభుఁడా
చ. 2:
చక్కఁగా నీవు నడపె సమేళము నాసలిగె
చెక్కుల నీవు వొత్తిన చిన్న లివిగో
పక్కన నీవు గప్పినపచ్చడము నామీఁదిది
తెక్కుల నన్నెంత కెంత తెలిపేవువిభుఁడా
చ. 3:
కాఁగిట నీవుగూడిన గరిమ నేఁ బొగడేది
మాఁగిన నీమోవితేనె మావిందులు
రాఁగిన సంతోసపు రతుల నన్నేలితివి
చేఁగదేరించఁగ నేల శ్రీ వెంకటవిభుఁడా
