ఈ పుట అచ్చుదిద్దబడ్డది
రేకు: 0248-2 రామక్రియ సంపుటం: 08-284
పల్లవి:
బల్లిదుఁడవైతివి బతుకవయ్యా
పొల్లలేకుండా నిన్నుఁ బొగడేమయ్యా
చ. 1:
యెక్కడి కెక్కడి బుద్దులెవ్వరు చెప్పరయ్య
చిక్కి నీకుఁగాఁగ ఆపె చెప్పేఁగాక
తక్కక యెవ్వరు జాణతనాలు నేరిపరయ్య
నెక్నొన్న చుట్టరికాన నేరిపెఁగాక
చ. 2:
తతి నెవ్వరి కెవ్వరు దాయిదండయ్యేరయ్య
అతివ నీకుఁగాఁగా నాయఁగాక
రతుల కెవ్వరిపాటి రమ్మని పిలిచేరయ్య
గతియైవుండె తానె గక్కునఁ బిలిచెఁగాక
చ. 3:
కందువతో నెవ్వరు కాఁగిలించుకొనేరయ్య
అంది నిన్నుఁగాఁగా ఆపె అలమెఁగాక
యిందులో శ్రీవెంకటేశ యిట్టె నన్నుఁగూడితివి
విందువలె తానూ నీవెంటవచ్చెఁగాక