ఈ పుట అచ్చుదిద్దబడ్డది
రేకు: 0248-1 శుద్దవసంతం సంపుటం: 08-283
పల్లవి:
సంగడినున్నవారము సాకిరి చెప్పకపోదు
యింగిత మెరిఁగి నీవె యియ్యకోవయ్యా
చ. 1:
వనిత చూచినదెంత వడి నీవేల లోఁగేవు
చెనకినదెంత నీవు సేసేదెంత
వినవయ్యా ఆపెమాట వేఁడుకొనె నింతగద్దా
యెనసి ఆడినమాట కియ్యకోవయ్యా
చ. 2:
ఆపె నవ్వినది నవ్వు అప్పటి నీమతి దవ్వు
పోపో మరునియేటు పూచిన పువ్వు
వోపవయ్యా చెలి నిన్ను వొరసి చన్నులనూఁది
తీపులమోవికతలు తెలసుకోవయ్య
చ. 3:
పిలిచిన పిలుపడ బిగిసే నీగతి యేడ
వలపిల కిదా జాడ వట్టిది నీడ
యెలమి శ్రీవెంకటేశ యింతి నిన్ను నిదె కూడె
పలుకుఁ బంతాలు నీ కెప్పటివలెనయ్యా