ఈ పుట అచ్చుదిద్దబడ్డది
రేకు: 0247-4 రామక్రియ సంపుటం: 08-280
పల్లవి:
అటుగాన యెంచనేల ఆవలివారి భాగ్యము
యెటులైనా నీపట్టు కెప్పుడును మంచిదే
చ. 1:
తప్పు నీయందున్నదా తగవరి వన్నిటాను
చొప్ప లెత్త బోతేను సూటికిరాదు
కప్పురపు చవిలోన కారములుండునా
కప్పిన విరహులకే కాఁక లౌఁగాదో
చ. 2:
సరవి నీవెరుఁగవా సర్వజ్ఞుఁడవు నీవు
కెరలించఁ బోతేను కిందుపడును
వరుసలఁ బూవులకు వాఁడి తొల్లివున్నాదా
విరసపువేళనే వెల్లివి రౌఁగాదో
చ. 3:
చేకొననివాఁడవా శ్రీ వెంకటేశుఁడవు
కాకుసేయఁ బోతేను గరివడును
యీకడ చంద్రుడు వెట్టా యేలితివి నన్ను నిట్టే
పైకొని అలిగేవారి పాలిటికి అవుఁగాదో
