ఈ పుట అచ్చుదిద్దబడ్డది
రేకు: 0244-6 కేదారగౌళ సంపుటం: 08-264
పల్లవి:
ఎనసిన యాకెతో నీకింత యేఁటికి
వెనుకొని నావెంటనె విచ్చేయవయ్యా
చ. 1:
పలికినట్టనెపో పంతము
చలిమి బలిమిగల సతులకు
తలఁచినయట్లనె తగులము
వలపులు నెలకొన్నవారికెల్లాను
చ. 2:
చేసినవెల్లాఁ జెల్లు చేఁతలు
బాలు నమ్మినయట్టి పడఁతులకు
ఆసపడిన కోరిక లబ్బునపుడె
సేసవట్టుకుండినట్టి చెలులకును
చ. 3:
చూచినట్లనెవచ్చు సూటులు
యేచి కూడిన మీవంటిద్దరికిని
చేచేత శ్రీవెంకటేశ చెలి యలమేల్మంగ
లాచి నట్లనె మించె లావణ్యాలు