ఈ పుట అచ్చుదిద్దబడ్డది
రేకు: 0243-5 మధ్యమావతి సంపుటం: 08-257
పల్లవి:
తమకించి రమణుఁడు తరిగాచుకున్నవాఁడు
సమరతి వుపరతి సాము సేసేదెవుడే
చ. 1:
చెనకిన చెనకులు సిగ్గులకె కొలఁదాయ
మనసిచ్చి మీలోని మాటలెపుడే
కొనచూపు లన్నియును కోరికకె మొదలాయ
చనవిచ్చ మోవితేనె చవిగొనేదెవుడే
చ. 2:
నగినట్టి నగవులు ననుపులకెపట్టె
పొగరువలపు గడఁబోసేదెవుడే
జిగిమించు వేడుకలు సింగారించనేపట్టె
అగపడ్డ కాఁగిటికి ఆయమిఁకనెపుడే
చ. 3:
కూడిన మీకూటములు గురుతు మేనులనిండె
సూడుఁబాడుఁ బంతాల నించుటయెపుడే
యీడ శ్రీ వెంకటేశు మీ యిచ్చకములె నిండీ
వీడెపుమెచ్చులు మెచ్చేవేళయెపుడే
