ఈ పుట అచ్చుదిద్దబడ్డది
రేకు: 0243-6 ఆహిరి సంపుటం: 08-258
పల్లవి:
ఆనతీవయ్యా యింకా ననుమానా లేఁటికి
యేనెపాల లేకున్న నిటువలెఁ జేసునా
చ. 1:
వసివాఁడు జూపులు వంచి నిన్నుఁ గొసరుచు
నసురుసురయ్యీఁ జెలి అది యేఁటికి
యెఁసగి యిందాఁకా మీరు యేకతాననె వుంటిరి
కనుగాటు రతులలోఁ గడమ యేమాయనో
చ. 2:
తలవంచుకొని నీతో తమకపు మాటలాడి
సొలయుచు నింతి మొక్కి పొలగిలీని
చలివాయ నిందాఁకా సరసము లాడితిరి
చలముతో మతికేమి సమ్మతిగాదాయనో
చ. 3:
సన్నలనే జంకించి జవ్వనపు మదమున
చన్ను మొన లటుచూపి సాదించీని
యిన్నిటా శ్రీవెంకటేశ యెనసితి రిద్దరును
పన్నిన మీపంతముల బలిమి యెంతాయనో