ఈ పుట అచ్చుదిద్దబడ్డది
రేకు: 0243-4 శంకరాభరణం సంపుటం: 08-256
పల్లవి:
పడఁతులు సేసినట్టి భాగ్యముకొద్ది
వుడివోనియట్టి యెన్నో వుద్యోగాలవాఁడవూ
చ. 1:
కొత్త కొత్త సింగారాల కానబుకాఁడవు నీవు
బత్తి వొకరిమీఁదనె పాటించేవా
యిత్తల గొల్లెతలు నాఁడెట్టు వేగించిరో నీతో
మత్తలి నీవైతే వేయి మనసులవాఁడవు
చ. 2:
పొద్దు వోద్దు వేడుకల బూమెలవాఁడవు నీవు
సుద్దు లింతెకాక వొక్కచోటనుండేవా
వుద్దండాలు రాచకూఁతు లోరించి యెట్టుండిరో
గద్దరివై వూరరి కాఁపురాలవాఁడవు
చ. 3:
నిచ్చ నిచ్చఁ బోదిసేసె నేరుపువాఁడవు నీవు
యిచ్చకుఁడవై వొక్క రింటనుండేవా
మచ్చిక శ్రీవెంకటేశ మన్నించి నన్నఁ గూడితి
ముచ్చటతో నందరికి మోహించేవాఁడవు