ఈ పుట అచ్చుదిద్దబడ్డది
రేకు: 0201-1 మధ్యమావతి సంపుటం: 08-001
పల్లవి:
తెగని పనులకు నింతేసి యాలే
మొగమోటతోడివి మోహములెల్లను
చ. 1:
అలిగిన విభుఁడు నిన్నట్టె వేడుకొనవచ్చె
చలమో ఫలమో సతి నీకు
వెలలేని కోపములు వేగినంతాఁ జేసినాను
కలయక మానేరా కాఁకలెల్లఁ దీరను
చ. 2:
తతి మాటాడనివాఁడు తానే సరసములాడీ
వ్రతమో యితవో వనిత నీకు
మతకాన మీరెంత మారుమోములై యుండిన
రతిఁ గూడకుండేరా రచనలతోడను
చ. 3:
యేడోవున్న శ్రీవేంకటేశుఁడే యింటికి వచ్చె
ఆడికో వాడికో అంగన నీకు
పాడి పంతములతోడ బలుములెంత చూపిన
వీడెమిచ్చి కూడితిరి వేరులయ్యేరా