ఈ పుట అచ్చుదిద్దబడ్డది
రేకు: 0233-2 నాట సంపుటం: 08-194
పల్లవి:
ఏఁటికి దగ్గరేవయ్యా యిదేమి నీవు
మోఁటుననుందానఁ జన్ను మొనలు దాఁకీని
చ. 1:
పచ్చని చీరగట్టిన బలుదొరనంటానే
కుచ్చుల పీలిచుంగుల కొంగువట్టేవు
దిచ్చరి చెంచువారికి దేవరకు నేమిపని
ముచ్చట లాడఁగఁ జన్నుమొనలు నాఁటీని
చ. 2:
రొమ్మునఁ బూసగల వురుటు నాయఁడనంటానే
బమ్మరపోవుచు మాపై నొరగేవు
దొమ్ముల మేసువారికి దొడ్డవారి నేఁటిమాట
ముమ్మాటికి విను చన్నుమొనలు దాఁకీని
చ. 3:
వెక్కసపుకొండపై శ్రీ వెంకటేశుఁడనంటానే
కక్కసించికూడి మమ్ముఁ గాఁగిలించేవు
తక్కక మంకువారికిఁ దగు గొల్లఁడ నీపొందు
మొక్కలీఁడ నాచన్ను మొనలు దాఁకీని