ఈ పుట అచ్చుదిద్దబడ్డది
రేకు: 0232-6 ముఖారి సంపుటం: 08-192
పల్లవి:
జిగురువంటివాఁడవు చెలులంగటే విడువవు
అగపడి యింటివారు అన్నంతాఁ గలిగెను
చ. 1:
చిక్కని నీమాటలకే చెమరించె మే నెల్లా
తక్కిన చేఁతలు వింటే తలఁపెట్టౌనో
అక్కజపు నీవినయ మాయనాయఁ దనిసితి
మొక్కేనన్నా విడువవు మొలవట్టేవిపుడు
చ. 2:
వెడ నీ నవ్వులకే వెరగందె నిలువెల్లా
అడరి నీవద్దనుంటే నాస యెంతౌనో
మిడిమాలపు నీమెచ్చు మేలుమేలు కైకొంటి
వడి నోపనన్నాఁబోవు వచ్చి కాఁగిలించేవు
చ. 3:
కన్నుల నీచూపులకే గరివడఁ బులకించె
చన్నుల నిన్నొత్తితేను చవి యేరీతో
పన్నిన శ్రీ వెంకటేశ బాపు బాపు కూడితిమి
సన్నసేసినాఁ గొంకపు సారె మన్నించేవు
