ఈ పుట అచ్చుదిద్దబడ్డది
రేకు: 0227-4 నాగవరాళి సంపుటం: 08-160
పల్లవి:
ఇంటికి రావయ్యా యిఁకనేఁటికి
కంటగించఁ దొల్లింటికతలెన్నిలేవు
చ. 1:
కావరించి యెట్టుండినాఁ గడు మంచివాఁడవే
నీవేమేమాడినాను నిజమరిచే
కైవసపు వనితలు కల్లలు గారులు నిన్ను
ఆవటించి వూరకైనా నాడుదురుగాని
చ. 2:
సేసేటి నీచేఁతలెల్లా చేరువపుణ్యాలే
నీ సుద్దులు విన్నవల్లా నీతితోడివే
పాసినట్టి మగువలు పట్టలేక వయసులు
వేసరి నిన్నుఁ దిట్టుతా వీఁగుదురు గాని
చ. 3:
కలసిన నీరతులు కందువ వుచితములే
సులభాన నీవు నాకుఁ జుట్టమవే
యెలమి శ్రీవెంకటేశ యెరవుల వనితలు
చలమరివని నిన్ను సాదింతురు గాని
