ఈ పుట అచ్చుదిద్దబడ్డది
రేకు: 0224-5 లలిత సంపుటం: 08-143
పల్లవి:
వినవే విభునిమాట వింతదానవా
చెనకేటి వేళనింత సిగ్గులు వడుదురా
చ. 1:
యీసు లేని వాఁడతఁడు యిచ్చకురాలవు నీవు
తాసులవంటివే నీతలఁపు లెల్లా
సేస వెట్టినాఁడతఁడు చేయివట్టితివి నీవు
వాసులకు నీవుతల వంచుకొందురా
చ. 2:
సరసపు వాఁడతఁడు చాయకు వత్తువు నీవు
సరిబేసి వంటివే మీచనవులెల్లా
తెరవేసినాఁడతఁడు తిరమ్రై నిలిచితివి
శిరసువంచుక నీవు చెక్కు చేతనుందురా
చ. 3:
శ్రీ వెంకటేశుఁడతఁడు శ్రీమహలక్ష్మీవి నీవు
పూవు వాసనవంటివే బుద్ధులెల్లాను
భావించి కూడెనతఁడు పైకొంటి విట్టెనీవు
తావున రతుల నిట్టే తమకింతురా