ఈ పుట అచ్చుదిద్దబడ్డది
రేకు: 0219-2 లలిత సంపుటం: 08-110
పల్లవి:
నీకు నవ్వులు రావటే నెలఁతల దిక్కుచూచి
దాకొని యింతట మమ్ము దయఁజూడరాదా
చ. 1:
నిండు రాజసముతోడ నీవాతని వద్దనుండి
యెండకన్ను నీడకన్ను నెరిఁగేవటే
వెండియు పతిఁబాసిన విరహపు సతులకు
దుండగవు తలపోఁత దొమ్మిసేసుఁగాక
చ. 2:
మదనరాగముతోడ మగనికాఁగిటనుండి
యెదిటివారినినిన్ను నెరిఁగేవటే
అదనుగాచుక రతికాసపడే యింతులకు
చదురపు తమకము చండిసేసుఁగాక
చ. 3:
శ్రీవేంకటేశ్వరుని చేతికి లోను సేసుక
మావంటివారి నీవు మరచేవటే
యీవేళనే మమ్మునిద్దరు మన్నించితిరి
కైవసపుముదములు కాణాచులౌఁగాక
