ఈ పుట అచ్చుదిద్దబడ్డది
రేకు: 0202-4 దేసాళం సంపుటం: 08-010
పల్లవి:
చూతువురావయ్యా సుదతికాఁపురము
యీతలనిదె నీయింటిలోనను
చ. 1:
తీపు మోవిలోని తేనెలు గరఁచీ
చూపులకాఁకల చురుకులను
దాపగు చెక్కుటద్దములు దోమీ
పూపుల నవ్వుగప్పురానను
చ. 2:
పులకబియ్యాలఁ బొంగలివెట్టీ
చలి వలపుల చన్నులను
పొలపునెరుల పోరుల వాపీ
ములువాఁడి గోళ్ళ ముచ్చటను
చ. 3:
మొనపి సిగ్గులను ముగ్గులు వెట్టీ
చెనకేటి చెక్కు చేతులను
యెనసె శ్రీవెంకటేశ నిన్నునాపె
కని నీవు రాఁగాఁ గాఁగిటను
