ఈ పుట అచ్చుదిద్దబడ్డది
రేకు: 0218-5 మలహరి సంపుటం: 08-107
పల్లవి:
నీవల్లనే కదవే నీమగఁడు రతికెక్కె
ఆవటించ నీకే కలవంతలేసి బుద్దులు
చ. 1:
హితవుగల సతికి యెరపరికము లేదు
పతిమాటే తనమాటై పరగుఁగాని
సతులెందరుండినాను చంచలము దోఁచదు
అతివరో నీకే కలవంతేసి బుద్దులు
చ. 2:
యిరవెరిఁగినకాంత యెడమాటలాడించదు
సరవి మాటాడుఁ బతిముకానను
పరులవాదుకుఁ బోదు భయములేదేమిటాను
అరయ నీకే కలవంతేసి బుద్దులు
చ. 3:
నేరుపుగల మగువ నెరుసులకుఁ జొరదు
మేరమీరి రతులనే మెప్పించును
యీరీతి శ్రీవేంకటేశునిట్టే నీవు గూడితివి
ఆరితేరి నీకే కలవంతేసి బుద్దులు