ఈ పుట అచ్చుదిద్దబడ్డది
రేకు: 0218-4 ఆహిరి సంపుటం: 08-106
పల్లవి:
ఎంతకెంతసేసేవు యెమ్మెలీడను
పంతము చెల్లినమీఁద పాలార్చఁ దగదా
చ. 1:
సిగ్గుపడి వున్నాపెను సెలవి నవ్వుదురా
దగ్గరి పైఁ జేయివేయఁదగుఁగాక
కగ్గుదేరీఁ గెమ్మోవి కాటుకకన్నుల మొక్కి
తగ్గక నీ చిత్తములో దయవుట్టదగదా
చ. 2:
వనాపతి అయినాపను మన సోదింతురా
ఆనుకొని మెచ్చఁదగవౌఁగాక
నానెఁజెమటల మేను ననలొత్తెఁ బులకలు
తానకమై మతిలోన దయవుట్టదగదా
చ. 3:
చేరి కాఁగలించినాపెఁ జిక్కించి కొసరుదురా
కోరికెలు మీరనిట్టె కూడుతగాక
మేరతో శ్రీవేంకటేశ మెలుఁత నిన్నునెనసీ
తారుకాణ నీరీతినే దయవుట్టఁదగదా
