ఈ పుట అచ్చుదిద్దబడ్డది
రేకు: 0218-3 బౌళి సంపుటం: 08-105
పల్లవి:
ఇంకనేఁటివెరపు యిన్నియు మంచివే కాక
సంకెదీర బొమ్మలను సాదించేనా
చ. 1:
వట్టిసిగ్గులు నీకేల వద్దనున్నది వనిత
యెట్టుసేసినా నిన్న దేఁటికనేనా
జట్టిగొన్న నీచేఁతకు సమ్మతింతునేకాక
కట్టఁగడవారివలెఁ గాకుసేసేనా
చ. 2:
మూసి దాఁపిరములేల మోవినున్నవి కెంపులు
నీసుద్దులు వాఁడిసేసి నేరమెంచేనా
వేసినట్టేవేసి నీతో వేడుకపడుఁదుఁగాక
మాసటిలవలె నీతో మారుమలసేనా
చ. 3:
సెలవుల నవ్వులేల చేతికి లోనాయఁ బని
అలరి కూడితివిఁకనడ్డమాడేనా
మలసి శ్రీవేంకటేశ మాలోనిదే ఆపెగాక
వెలుపటివారివలె వింత సేసేనా