ఈ పుట అచ్చుదిద్దబడ్డది
రేకు: 0218-2 భూపాళం సంపుటం: 08-104
పల్లవి:
ఎగ్గుపట్ట నీకేలే యిందుకుఁగాను
దగ్గరి పైఁ జేయిచాఁచి తమకించరాదా
చ. 1:
వెక్కసాలంతేసి వద్దు విభుఁడు పరాకైతే
యిక్కువలంటఁగరాదా యింకా నీవు
దిక్కులు చూచితేనేమి దేహము నీమీఁదనదే
చిక్కించుక సేయరాని సేఁత సేయరాదా
చ. 2:
అలుకలంతేసి వద్దు ఆతఁడు కొలువైవుంటే
వలపు రేఁచఁగరాదా వన్నైతో నీవు
వెలి విసరిననేమి వెంటనే నీవుందానవు
చలమెల్ల సాదించి జట్టి గొనరాదా
చ. 3:
యెగసక్కేలంతవద్దు యింతలోనే ఆతఁడుంటే
జిగిఁ గాఁగిలించరాదా చెలఁగి నీవు
అగపడి శ్రీవేంకటాధిపుఁడు గూడెనిట్టే
మిగులా నీవు రతుల మెప్పించరాదా