ఈ పుట అచ్చుదిద్దబడ్డది
రేకు: 0217-3 లలిత సంపుటం: 08-099
పల్లవి:
అన్నియుఁ దెలుకొందమాతఁడే వద్దనున్నాఁడు
మన్నన గనుకొందము మరవకురే
చ. 1:
మనసువచ్చినవారి మాటలే చవులుగాక
యెనయనివారితోడ నేఁటిసుద్దులు
చనవు దానిచ్చితేను సాదించ నేనేరనా
పనిగలయందాఁకాఁ బదరకురే
చ. 2:
జోడుగూడినట్టి వారి చూపులే యింపులుగాక
యీడుగానివారికొసరెంతై నానేమే
వాడికగలయప్పుడు వంచు కొననేరనా
జాడకు వచ్చినదాఁకా చలమేఁటికే
చ. 3:
రతిఁ గూడినట్టివారిరచనలే మెచ్చుగాక
కతలు చెప్పేటివారి గతులేఁటివే
యితవై శ్రీవేంకటేశుఁడింతలోనే నన్నుఁ గూడె
తతివచ్చెనిఁకమీఁద తలవంచనేఁటికే
