పుట:కాశీఖండము.pdf/198

చతుర్థాశ్వాసము

185

సీ.⁠

సచ్ఛ్రోత్రియులు ననూచానులు సోమపీ         ధులు నైనకులముపెద్దలఁ దలంచి రాజమాన్యుఁడు సత్యరతుఁడు వినిర్మలా         చారవంతుఁడు నైనజనకుఁ దలఁచి భాగ్యసంపదఁ బుణ్యపతిదేవతలలోన         నెన్నంగఁ దగియెడునన్నుఁ దలఁచి వేదశాస్త్రపురాణవిద్యానిరూఢులై         వాసికెక్కినతోడివారిఁ దలఁచి

⁠

తే.⁠

చెడ్డయింటిచెదారమై శివునికరుణ నివ్వటిలు నిర్వదేనేండ్ల నిన్నుఁ దలఁచి పదియునార్వత్సరంబులభార్యఁ దలఁచి గోరతనములు మానురా! కొడుకుఁ గుఱ్ఱ!

⁠ 91

తే.⁠

అఖలకల్యాణగుణగణాయత్త యత్త మామ యౌచార్యతేజఃక్షమామహితుఁడు మాతులుండు యశోమహిమాతులుండు తనయ! యేలయ్య కైకోవు వినయబుద్ధి?

⁠ 92

చ.⁠

విడువక నీవు పట్టణమువీథులవీథుల వెఱ్ఱివాఁడవై చెడుగులఁగూడి ధౌర్త్యములు సేయ మహీరమణుం డెఱింగెనే విడుచును సోమయాజి మనువృత్తులు చేకొను నెల్లభంగులన్ జెడుదుము నీకతంబుననుఁ జీరయుఁ గూడును లేక ఫుత్త్రకా!

⁠ 93

తే.⁠

పట్టణములోన నీవు దర్పమునఁ జేయు కొయ్యతనములు వీక్షించి కూర్మితనయ! నవ్వుదురు నిన్ను మొదల నానావిధముల నవ్వుదురు దీక్షితుని ననంతరమ జనులు.

⁠ 94