పుట:కాశీఖండము.pdf/194

చతుర్థాశ్వాసము

181

⁠

భయంబులును జలోదరాదిభయంబును మొదలైనభయంబులు పుట్టక యుండు. ఇది వరుణలోకవృత్తాంతంబు.

⁠ 73

గంధవతీవృత్తాంతము

సీ.⁠

అదె గంధవతిఁ జూడు మవనీసురోత్తమ!         వరుణునివీటి కుత్తరమునందు నిమ్మహాపట్టణం బేలు గంధవహుండు         భపకృప నీతఁ డీపదముఁ గాంచె నాదిఁ గశ్యపునిదాయాదుండు పూతాత్ముఁ         డనుపేరి బ్రాహ్మణుం డనఘ! యితఁడు తరుణేందుధరురాజధాని వారాణసి         నయుతాబ్దములు తపం బాచరించి

⁠

గీ.⁠

లింగసంస్థాపనంబు గల్పించి లింగ మధ్యమునయందుఁ గందర్పమథ(దమ)నుఁ గాంచి జ్యోతిరభ్యంతరస్థు నావ్యోమకేశు సంస్తుతించె నతండు విస్పష్టఫణితి.72

⁠

వ.⁠

దేవదేవ! మహాదేవ! దేవా! (య)భయప్రద! నారాయణేంద్రాదిసర్వదేవవరప్రద! సంస్తుత్యుండవు, స్తోతవు, స్తుతివి, సగుణుండవు, నిర్గుణుండవు, నామరూపవివర్జితుండవు, ఇచ్ఛాజ్ఞానక్రియాశక్తులు నీయవి. ఒక్కరుండవయ్యును శివశక్తిభేదంబునను ద్వైతంబు భజియింతువు. నీదక్షిణాంగంబు బ్రహ్మ. నీవామాంగం బచ్యుతుండు. చంద్రసూర్యాగ్నులు నీనేత్రంబులు. నీనిశ్శ్వాసంబు శ్రుతులు. నీప్రస్వేదాంబువులు నదులు. నీశ్రోత్రంబులు సమీరణంబులు. నీభుజంబులు దిక్కులు. నీ ముఖంబులు బ్రాహ్మణులు. నీ బాహువులు రాజన్యు

⁠