పుట:కాశీఖండము.pdf/122

తృతీయాశ్వాసము

109

⁠

మానవుం డివి యేమఱి మధురవాణి! బాహ్యతీర్థంబు లాడ నిష్ఫలము సూవె.

⁠ 71

సీ.⁠

తీర్థంబు సత్య మింద్రియనిగ్రహము తీర్థ         మనసూయ తీర్థంబు వనరుహాక్షి! తీర్థంబు దానంబు తీర్థంబు సంతోష         మనుకంప తీర్థంబు కనకగౌరి! బ్రహచర్యంబు తీర్థంబు తీర్థము ధృతి         యమము తీర్థము విద్రుమాధరోష్ఠి! సమత తీర్థంబు విజ్ఞానంబు తీర్థంబు         పుణ్యంబు తీర్థంబు పువ్వుఁబోఁడి

⁠

తే.⁠

తీర్థములు మానసంబులు ధీవిశుద్ధి యతిశయిల్లంగ నివి యాడ కాడినట్టి పంచజనులకుఁ గలహంసపక్షిగమన! బాహ్యతీర్థావలులు తీర్థఫలము నీవు.

⁠ 72

చ.⁠

బిసరుహపత్రలోచన! కృపీటములందు మునింగియాడవే మొసళులు మీలు కర్కటకముల్ గమఠంబులు వాని కబ్బునే! యసదృశమైనతీర్థఫల మట్టివిధంబు సుమీ? తలంప మా సస మగుతీర్థమాడనిజనంబులకుం బహుబాహ్యతీర్థముల్.

⁠ 73

తే.⁠

సుదతి! యేటికి నంతర్విశుద్ధి లేని బాహ్యసంశుద్ధి? బహుతీర్థపరిచయమున వేయుఁగడవలజలమున వెలిఁ గడిగిన గలుగునే శుద్ధి వారుణీకలశమునకు?

⁠ 74

తే.⁠

రాగదోష మలాపహారక్షమంబు మానసం బైనతీర్థంబు మందగమన!

⁠