పుట:కాశీఖండము.pdf/105

92 శ్రీ కాశీఖండము

⁠

హిమశైలకన్యకాధీశుఁ గొల్చి పద్మాద్రిపై రుద్రపాదంబు లర్చించి         చేరి మార్కేండేయశివు భజించి కోటిపల్లీతీర్థకుండలాముఖముల         నర్ధేందుధరు విరూపాక్షుఁ దలఁచి

⁠

తే.⁠

పల్వెలస్థానమున భూతభర్త నిలిపి కాంతమున వృద్ధగంగలోఁ గ్రుంకువెట్టి దక్షవాటిక సప్తగోదావరమున మునిఁగి భీమేశ్వరునిఁ గాంచె మునివరుండు.

⁠ 16

శా.⁠

ప్రాతఃకాలము తీవ్రభానుఁ డుదయింపన్ సప్తగోదావరీ స్రోతఃపూరమున న్మునింగి యభవున్ సోమార్ధచూడామణిన్ జ్యోతిర్లింగమయస్వరూపుఁ గొలిచెన్ శుద్ధాంతరంగంబునన్ బాతివ్రత్యమహాప్రభావనిధి లోపాముద్ర భీమేశ్వరున్.

⁠ 17

మ.⁠

మునిచూడామణి యెల్లసత్కళలకున్ మూర్ధాభిషిక్తుండు గా వునఁ జారీకరణాంగహారముల ఠావుల్ మించి కీర్తించుచున్ శనివారోత్సవవేళఁ గన్గొనియె నాస్థానంబునన్ రాజనం దనయుం దానును దేశిమార్గమున గంధర్వాప్సరోనృత్తముల్.

⁠ 18

వ.⁠

అంత.

⁠ 19

తే.⁠

కుంభజుఁడు దక్షిణాభిముఖుం డగుటయు నదను వీక్షించి వచ్చెనో యనఁగ వచ్చె శంబరారిప్రతాపాగ్నిసామిధోని నవశరద్వేళ శ్రీభీమనాథుఁ గొలువ.

⁠ 20

తే.⁠

జిగురుకొన్న రజస్స్ఫూర్తిఁ జెఱఁగుమాసి జలజకుండోదకంబుల జలకమాడి

⁠