36
అష్టాంగయోగసారము
క. ధర్మాధర్మము లొల్లక
కర్మాసక్తుండు గాక కాదౌ ననర్క
నిర్మలభావుం డగుచును
మర్మజ్ఞత నతఁడు మెలఁగు మనుజులలోనన్.
క. ప్రాజ్ఞుండై దేహముతో
నజ్ఞానులయందు మెలఁగు నందున నాయో
గజ్ఞుని మదిఁ దెలియక యే
యజ్ఞానులు నిందఁ జేతు రాతి గనకన్.
గీ. దూషణము జేయు వారికిఁ దొల్లి యితఁడు
జేసియుండిన పాపముల్ జెందుచుండు
భూషణము జేయువారికిఁ బుణ్యఫలము
లపుడు బొందగ నిర్లేపుఁ డగు నతండు.
సీ. పెద్దవన్న నహుత బెంచి హెచ్చెడు చిన్న
వనినఁ దగ్గడు భాగ్య మతిశయముగ
కలగిన నుప్పొంగి గర్వింపఁ డొకవేళఁ
దనకు లేమిడి యైనఁ దగ్గిపోఁడు
ప్రారబ్ధ మనుభవింపక తీర దని యస
హ్యముగ దుఃఖసుఖంబు లనుభవించు
నబ్జపత్రంబులో నంటని జలబిందు
వట్ల సంసారమం దంట కుండు
గీ. జగతి కలబంద మూలంబు తెగినదాని
పచ్చి కొన్నాళ్ళు నిలిచిన పగిది, దేహ
మూలమగు కారణావిద్య మొదలు తెగిన
నాయువను పచ్చి యున్ననా ళ్ళంగ ముండు.