పుట:అష్టాంగయోగసారము (తరికొండ వేంగమాంబ).pdf/60

వికీసోర్స్ నుండి
ఈ పుట అచ్చుదిద్దబడ్డది

అష్టాంగయోగసారము

37

చ. అటువలె కారణంబు తెగినప్పటి కైనను గార్యజాలవి
    స్ఫుటతను యుగ్మముండు పరిపూర్ణచిదాత్మవికాశి గాక త
    ద్ఘటముల నాశ్రయించి గుణకర్మములం దెపు డంటి యంటకన్
    సటల ని రోసి యన్నిటికి సాక్షిగ నుండు సుఖస్వరూపమై.

ఆత్మయజ్ఞము

సీ. అల బుద్ధియును జిత్తమా యహంకృతి మాన
        సంబును బుత్త్విగ్గణంబు గాగ
    ప్రణవవర్ణంబు యూపస్తంభమును గాగఁ
        బ్రాణదశేంద్రి పంజ్క్తి యచట
    పశుసమూహము గాగ భాసురానాహత
        నాదంబు విహితమంత్రంబు గాగఁ
    బొసగఁ దత్పశువుల బోధాగ్నిలో వేల్చి
        జ్ఞానామృతము సోమపానముగను
గీ. ద్రావి జొక్కుచు మోక్షకాంతాసమేతుఁ
    డగుచు వేదాంతసూత్రంబు లనెడి కర్ల
    కుండలంబులు వెలుఁగఁ ద్రికూటమార్గ
    మందు శాంతప్రముఖమిత్రు లలరి కొలువ.
సీ. ప్రకటితాచారముల్ బండ్లకమ్ములు గాగ
        శమదమాదులు సుచక్రములు గాగ
    ప్రాణపంచకము నేర్పడ కాడిగాగ న
        నూనహృద్వనజంబు నొగయుఁ గాగ
    వరకర్ణనేత్రముల్ వాహనంబులు గాగ
        రహి వివేకంబు సారథియుఁ గాగఁ
    దగు నిస్పృహత్వమె త్యాగధ్వజము గాగఁ
        బ్రబలు యోగరథంబు పైన నెక్కి