439
యుద్ధకాండము
--: అగస్త్యుఁడు శ్రీరామచంద్రునికి ఆదిత్య హృదయము నుపదేశించుట :--
“ ఏల చింతిల్లెద - వీదాన వేంద్రు
నాలంబులోఁ గూల్చు - టది యెంత నీకు ? - 10000
అతి రహస్యము కామి - తార్థప్రదంబు
హితమునౌ నొక మంత్ర - మిచ్చెద నీకు !
ఆదిత్యహృదయ మే - నది సమర్మముగ
నాదేశ మొనరింతు - నమ్మహామనువు
శ్రీకర మిష్టార్థ - సిద్ధి దమహిత
భీకర మావహో - పేత జయంబు
సకలకల్యాణ మా - శ్రయణీయ సౌఖ్య
మకలంక మలఘు దీ - ర్ఘాయుప్రదంబు
సత్యంబు దుఃఖనా - శనము గోబ్రహ్మ
హత్యాది ఘోరమ - హాపాపహరము10010
సతతరోగ ప్రణా - శనము లోకైక
హితము సౌభాగ్యస - మృద్ధి కారణము
నగుచుండు గావున - నాదిత్యుఁడుదయ
మగువేళ సేవింపు - మర్చాదివిధుల
నాయనఁ బూజింతు - రమరులు లోక
నాయకుఁ డతఁడ య - నంత తేజుండు
నాదిత్యులందఱు - నవయవంబులుగ
నా దేవుఁ డాత్మక - రావళిచేత
భువనంబు లెప్పుడుఁ - బోషించు పద్మ
భవుఁడు బద్మాక్షుండు - భవుఁడు నింద్రుండు 10020
