396
శ్రీ రా మా య ణ ము
చెక్కలు సేయుచుఁ - జెరమి వ్రేయుచును
మక్కుమారుగ మారి - మసరిన యట్లు
రక్తనదీసహ - స్రములు పాఱించు
నక్తంచరులమీఁద - నగచరులెల్ల
నొకరొక్కరుని పై - నురువడిఁ బ్రాఁకి
యెక్కుచు ఫలితమ - హీరహంబులకుఁ
బక్షులు చేరిన - పగిదిఁ గ్రీడింప
రాక్షసు లలిగి దూ - రమున విదర్చి
తరచి చంపుటయు నం - దఱు నిల్వలేక
శరణు జొచ్చినఁ జూచి - జానకీ ప్రియుఁడు 9030
చొరఁబారి రావణా - సురుని కై జీత
మురుముచు మేఘంబు - లుగ్రాంశుఁ బొదవు
కైవడిఁ దనమిఁదఁ -గ్రమ్ముక రాఁగ
చేవిల్లు సజ్యంబు - చేసి మ్రోగించి
వారవేసిన యట్టి - వాలంపగములు
నారాచధారల - నఱికిపోవైచి
కోపంబుతోఁ గన్నుఁ - గొనలఁ గెంజాయ
చూపట్ట దనశక్తి - చూఫువాఁడగుచుఁ
దేరులు చెక్కాడి - దీకొన్న కరులఁ
బోరు గొండలమాడ్కిఁ - బుడమిఁ ద్రెళ్లించి 9040
-: శ్రీరాముడు రావణుని పరివారముతో యుద్దము చేయుట :-
హరుల పీచమడంచి - యాశరకోటి
పరియలుపడ దివ్య - బాణంబు లేసి
