366
శ్రీ రా మా య ణ ము
పంకజాక్షిని సీతఁ - బ్రాణంబుతోడ
సీతకే మనము వ - చ్చితిమింక మీద
సీతఁ జంపిన యింద్ర - జిత్తు బోనీక
యిప్పుడే నేనేఁగి - యెందెందు డాగి
తప్పించుకొనిన పా - తకిఁ బట్టి తెచ్చి
యమ్మవారల పద - ప్రాంతంబునందు
నమ్ము దీసుక వాని - యౌఁదలఁ దఱిగి 8320
బడిమిగాఁ ద్రిప్పించి - బడిసిపో వైచి
కడమ దైత్యుల మస్త - కంబులు గొట్టి
యాలంక మామకా - స్త్రానలహేతి
మాలికలందు భ - స్మము చేసి కూల్చి
రావణుఁ బుత్ర పౌ - త్రయుతంబుగాఁగఁ
జేవాడి మెఱసి కౌ - శిక మౌనిరాజ
పాలితాస్త్రములకు - బలివెట్టి కాని
తేలి రానిక సమ్మ - తింపుఁడు మీరు
సంగరోద్యోగంబుఁ - జాలింపమీకు
సంగతియే ? శరాస - నముఁ గైకొనుఁడు” 8330
అనుచు నుండఁగ నద్దశా - ననానుజుఁడు
తన మంత్రులును దాను - తగిన వానరుల
నచ్చటచ్చట నుంచి - యచటికిఁ జేర
వచ్చి లక్ష్మణుని పై - వ్రాలి శోకమున
నున్న రామునిఁ జెంత - నున్న వానరులఁ
గన్నులఁ జూచి యం - గము కంపమొంద
నది యేమి యనివేడ - నవనజ చంద
మిదియని సౌమిత్రి - యెఱుఁగఁ బల్కుటయు
