347
యుద్ధకాండము
విషమవాయువు బిట్టు - వీచే దానవులు
విషము మింగిన యట్ల - వివశులై రవుడు
అవశకునంబుల - నా మకరాక్షు
డవమతి సేసి క - య్యమునకుఁ గదలి
చనుచోట సాధన - చాకచక్యములు
దనుజసైన్యంబు ముం - దఱగాఁగ నడచె
కపులు మహీరుహ - గ్రావముల్ వూని
తపనజాంగదనీల - తారవాయుజులు
మున్ను గా నడచి రా - ముని సమక్షమున
నన్నిశాచరులతో - నాలంబుఁ జేసి 7880
మోహరించుటయును - ముక్కాక నేయు
నాహరివీర మ - హా హవంబునకు
వెఱచి దానవులెల్ల - వెన్నిచ్చి తనదు
మఱుఁగుఁ జేరినఁ జూచి - మకరాక్షుడలిగి
తేరు చక్కఁగఁ ద్రోలి - దివ్య బాణముల
నూఱు నాఱుపదారు - ను పదేను లెక్క
నెదిరించు కోఁతుల - నెల్ల నొక్కొకని
గుదులు గ్రుచ్చి ధరిత్రిఁ - గుప్పలు వేసి
మొనగాండ్ల కీశచ - మూనాయకులను
మొన చెడ దివ్యాస్త్ర - ముల నొవ్వనేసి 7890
యురవడించినయంత - నొకరైన నెదిరి
దురము గావింప స - త్తువలేక విఱిగి
మర్కటావళి తన - మఱుఁగుఁ జొచ్చుటయు
నర్కవంశవతంసుఁ - డవనిజాప్రియుఁడు
వెఱవకుఁడని కేల - విల్లు సారించి
