309
యుద్ధకాండము
వాఁడది యమ్ముల - వ్రయ్యలు చేసి
వాఁడిగల్గిన శర - ద్వయ మేరుపఱచి 6990
దధిముఖుపై భుజా - ద్వంద్వంబు నాఁట
రుధిరంబులుబ్బ నా - ర్చుచు నేయుటయును
నావంత సరకు సే - యక వానిశక్తి
యావంతగా నెంచి - యాదధిముఖుఁడు
సాలంబుఁ గైకొని - చదియ వ్రేయుటయు
నాలంబులో దై - త్యుఁ డసువులఁ బాసె.
- :యుద్దమునకు వచ్చుచున్న యతికాయునిఁ గూర్చి శ్రీరాముఁడు విభీషణుని ప్రశ్నించుట :-
ఇరువురిపాటు దా - నీక్షించి కదియ
నరదంబు దోలి యా - హవకౌతుకమునఁ
గపులు భీతిల నతి - కాయుఁ డత్యుగ్ర
తపన తేజమునఁ గో - ల్తలకుఁ జేరుటయు 7000
శింజిని మొరయ గ -ర్జింపుచు గాత్ర
మంజనాచల నిభం - బైమిన్నుమోవఁ
గడచన్న యాకుంభ - కర్ణుండు వేఱె
యొడలి దాలిచి వచ్చె - నోయంచు భీతి
నందఱు రఘువీరు - నాశ్రయించుటయు
నందఱు వెఱవకుం - డని వెఱఁగంది
"ఔర ! వీఁడెవ్వఁడో !’’ - యన విభీషణుని
శ్రీరామచంద్రుఁ డీ - క్షించి యిట్లనియె.
"పర్వతాకారుఁడై - ప్రళయ కాలమున
శర్వుండు భూతసం - చయముతో వచ్చు 7010
