308
శ్రీ రా మా య ణ ము
గద త్రిదశేంద్రు భం - గద సవరించి
కొట్టిన నాగట్టు - గులగుల లగుచు
నట్టిట్టు చిదురప-- లై మహిం బడిన
మోటువాఱుకొని ధూ - మ్రుఁడు మహావృక్ష
మాటోపగతి వైవ - నదియుఁ బోనడచి 6970
దండపూనిక గదా - దండంబు చేతఁ
జండించి యతని వ - క్షము వ్రేయుటయును
నాధూమ్రుఁ డందు చే - నరగన్నువెట్టి
బోధంబుతోడ న - ద్భుత శౌర్యుఁ డగుచు
గదయు నాతనికేలుఁ - గదలకయుండఁ
బదిలంబుగా వాల - పాశంబుచేతఁ
జుట్టి మింటికి నెత్తి - సురలెల్ల మెచ్చఁ
జుట్టు నురాళించి - సుంకు రాలంగ
నేలతోఁ గొట్టిన - నెత్తురుఁ గ్రక్కి
వ్రీలిపొందల వాఁడు - విడిచెఁ బ్రాణములు. 6980
—: ఉన్మత్తుఁడు దధిముఖుని చే హతుఁడగుట :-
అంత యుద్ధోన్మత్తుఁ - డంతకు రీతి
నంతకు మున్నుగా - నగచరావళిని
మక్కుమారిచి మార - మసలినయట్లు
ప్రక్కలు డొక్కలు - పరియలు వాఱ
వాలమ్ములను రెండ - వకృశానుఁ డనఁగ
నాలమ్ములో ప్రతాపా - గ్ని కీలలును
దరికొల్పుచును జేర - దధిముఖుం డలిగి
గిరిశృంగమెత్తి యుం - కించి వ్రేయుటయు
