293
యుద్ధకాండము
"రామ ! ముందటిలోన - రణభూమిలోన
సామాన్య దనుజులఁ - జంపితిననుచుఁ
జేకని యిపుడెది - ర్చిన నిన్ను పోరి
పోకున్న కపులెల్లఁ - బొగులుచునుండ
మునుమున్ను నా చేతి - ముద్గరాహతిని
నినుఁద్రుంచి నీ తమ్ము - ని వధించి మించి
మాయన్నకు హితంబు - మదినెంచి యలరఁ
జేయుదుఁ గను"మన్న - శ్రీరామవిభుఁడు
--: శ్రీరామ కుంభకర్ణుల యుద్దము :--
వింటఁ బూనినయట్టి - విశిఖంబులమర
కంటకు నతివజ్ర - కాయంబు మీద 6630
వ్రేసిన దానవ - వీరుని యురము
దూసి పోవక మేను - దొలుచుకయున్న
సాలభేదనకళా - చతురంబులగుచు
వాలి పేరెద నాఁటి - వ్రయ్యలు చేసె
నేయమ్ము లవి దాన - వేంద్రుపై నేయ
నాయమ్ము లతికఠో - రాంగంబు నాఁటి
యలుగులు గనుపించ - వను నంతెకాని
వెలువడి వీపున - వెడలవేమియును
బరిగట్టియల రఘు - ప్రవరుఁడేయుటయు
సరిగట్టనేరక - శల్యంబులంటె 6640
మఱియు దివ్యాస్త్రముల్ - మనువంశతిలక
మురుశక్తి దృఢముష్టి - నురువడినేయ
డాయవచ్చుటయు ఖం - డాచేత నఱకె
