ఈ పుట ఆమోదించబడ్డది
226
శ్రీ రా మా య ణ ము
3. అతికాయుఁడు
విల్లింద్రధనువుతో - వీడు జోడాడ
నల్లె మీటుచు నట్ట - హాసంబుతోడ
నతికాయ విజితాంజ - నాచలుఁడైన
యతికాయుఁ డావచ్చు - నతనిఁ జూచితివె. 5070
4. మహోదరుఁడు
తాను సింగాణి పైఁ - దాల్చిన ఘంట
లేనుఁగు ఘంటలు - నేకమై మొరయ
దారుణతరమహో - దర మహోదరుఁడు
శ్రీరామ ! వాడె వ - చ్చెను విలోకింపు.
5. పిశాచుఁడు
పిడుగుకై వడి మేనఁ - బుట్టినయట్టి
తొడవులు మెఱువుల - తో వియ్యమందఁ
దురికి తురంగంబు - దుమికించుకొనుచు
సురమాయిజల్లు లం - చుల నెగయంగ
గబునితోడఁ గుళాయి - కశయాడనీక
యుబుకుచు కట్టిక - లోహోయనంగ 5080
నతిశయధారావి - హారియైవచ్చె
నతనిఁ జూడు పి - శాచుఁ డనువాఁడు దేవ !
6. త్రిశిరుఁడు
వృషభవాహనురీతి - వినుమోచి వచ్చు
వృషభంబుపై నెక్కి - విలుకేలఁ బూని
