212
శ్రీ రా మా య ణ ము
యిరువురు సరివోరు - నెడ మల్ల చఱచి
పిఱుదీకవడి గండ - భేరుండయుగము
పోరాడుగతి పోరు - భూరిసత్త్వములు
ఘోరసంగరము మి - క్కుటముగాఁ జేయఁ
-: అంగదుఁడు వజ్రదంష్ట్రునిఁజంపుట :--
గదిసి వోరుచు బుధాం - గారకులట్ల
సదమదంబుగను ము -ష్టా ముష్టి పెనఁగి
యన్యోన్య జయకాంక్షు - లై యప్రమాణ
మన్యులై వోరుచు - మహినివ్రాలుచును 4750
లేచుచునుండ వా - లితనూజు నురము
మోచేతఁ బొడిచిన - మోకరింపుచును
పెట్టుబడ్డ మహాహి - పెక్కువతార
పట్టియొక్క నగంబు - పట్టిరాఁజూచి
యరిగెయుఁ గత్తియు - నందుక వాఁడు
దురదురవచ్చి స - త్తువకొద్ది నేయఁ
జెట్టువైచినఁ గత్తి - చేనది దునుమ
నట్టిచో నలిగి మ -హాసత్త్వశాలి
వాలిసూనుఁడు దాన - వకరాగ్ర హేతి
చేలాగుచే తన - చేత నంకించి 4760
దారిగా నలవజ్ర - దంష్ట్రుని శిరము
ఘోరాజిఁ బడ తెగఁ - గొట్టి యార్చుటయు
వానరులా వెంట - వచ్చినయట్టి
దానవావళి నెల్లఁ - దరిమి చంపుటయుఁ
