169
యు ద్ధ కాం డ ము
కపుల పెక్కువయు రా - ఘవుల యగ్గలిక
విపరీతములు తన - వీట గల్గుటయు
దశకంధరుఁడు చూచు - తరి గోటమీఁద
దశరథసూనుండు - దళముపైకొలిపి
"అక్కట ! సీత యే - మయ్యెనో యట్టి
కక్కసంబున వీని - కావలిందగిలి 3750
యెటుల నున్నదియొ మే - మిటు వచ్చుటెఱిఁగి
కిటుకులు వీఁడు మి - క్కిలి నేర్చునొక్కొ !”,
అని తలంపుచు నిట్టి - యాలోచనముల
పనియేమి యైనట్టి - పనిఁ బూనవలయు
నడువుఁ డన్నను కపి - నాయకులెల్లఁ
--: శ్రీరాముఁడు వానర సైన్యమును లంక పైఁ గదనము సేయఁ బురికొల్పుట :--
బుడమి చలింప నా - ర్పులు నింగి ముట్ట
తరలును గిరులును - తాలిచి మిడుత
పరివోలి యగడిత - పరిపాటి బూడ్చి
కోటమీఁదికి నెక్కి - కొత్తళంబులిచి
పాటనం బొనరించి - పరిఘముల్ గూల్చి 3760
వాకిళ్లు హత్తికా - వలి రాక్షసులను
బోకుండ జంపి త – ల్పులుఁ బోడిసేసి
గోపురంబులు గూల్చి - కోటలు దొబ్బి
యేపు చూపిన లంక - యిట్టట్టుగాఁగ
