166
శ్రీ రా మా య ణ ము
ఫలకంబుపై నున్న - పంక్తికంధరునిఁ
జులకగాఁగని వాలి - సూనుఁ డిట్లనియె.
--: అంగదరాయబారము :--
ఓరోరి ! రావణ ! - యుత్తుంగభంగ
ఘోరనక్రవ్రాత - ఘూర్ణితాంబోధిఁ
గట్టించు కోసల - కన్యకాసుతుని
పట్టంపు బంట నా - పలుకాదరింపు
మంగదుఁడనువాడ - నగచరవంశ
పుంగవుఁడగువాలి - పుత్రుఁడ నిటకుఁ
బనిచె నాస్వామి కో - పము మాని నీవు
జనకజ శ్రీరామ - చంద్రున కిచ్చి 3690
మనుము నాబుద్ధిచే - మారాడితేని
వనజగర్భుఁడొసంగు - వరముల కేమి
యవియెల్ల నడ్డమే - యసమాన విలయ
పవమానసఖశిఖా - పటలప్రతాప
రామదివ్యాస్త్ర ప - రంపరాసార
సామగ్రి కేల మో - సము నొంద నీకుఁ?
జేరవచ్చునె యెది - ర్చి నిమేషమైన ?
పారిపో నిచ్చునో - బవరంబులోన ?
నరికట్టఁ దరమౌనొ - యజహరాదులకు ?
మఱుఁగుఁ జొచ్చెద నన - మఱివేఱె కలదొ 3700
వలవదీయసమాన - వైరంబు కులము
నిలుపుకొమ్మేల మే - నికి నెగ్గుఁ దలఁప ?
నీపట్టణముకు నై - నిలిపి నాస్వామిఁ
