160
శ్రీ రా మా య ణ ము
చెంతఁ జేరఁగఁ దీసి - శ్రీరాముఁ డధిక
సంతోషమున కపి - స్వామి కిట్లనియె.
-: శ్రీరాముఁడు సుగ్రీవునితో తానొక్కఁడే రావణుని పైకిఁ బోఁగూడదని హితోపదేశము చేయుట :-
ఓయి ! సుగ్రీవ మా - కొకమాట యెఱుక
సేయక నేపని - సేయఁ బోవుదురె ?
కొంచగాఁడవో ? కపి - కోటుల నిట్లు
వంచించు నీవు రా - వణుఁ జెనకుదురె ? 3550
అతఁడు త్రిలోక భ - యంకరుఁ డమర
శతములఁ గెల్చిన - సాహసాధిపుఁడు
మనమందఱముఁ గూడి - మార్కొన్న నతని
నని గెల్తుమని నిశ్చ - యములేనిచోట
పోవచ్చు నే ప్రాణ - ములులేని బొంది
కైవడి నుంటి మొ - క్కని నిన్నుఁబాసి
నీకు నచ్చట నొక్క - నెగులయ్యెనేని
మాకేల యీసీత ? - మఱి యున్న వేల ?
ఎందుకు లక్ష్మణు - డెందుకు భరతుఁ
డెందుకు శత్రుఘ్నుఁ - డెందు కయోధ్య ? 3560
అటులైన నానిశ్చ - యము వినుమాత్మ
దిటముగా నెంచిన - తెఱఁగుఁ బల్కెదను
రావణు పుత్రపౌ - త్రకళత్ర యుతము
గావధియించి లం - కా పట్టణంబు
నీవిభీషణునకు - నిచ్చి జానకిని
మావారితోఁ గూర్చి - మన్ననతోడ
