45
యు ద్ధ కాం డ ము
జలదంబు పఱతెంచు - చాడ్పునఁ జంప
నలిగి యేఁ దెగి వచ్చి - నపుడెదుర్కొనఁగ 1010
మఖవాదులును వేలు - మడుపుమా సమర
ముఖమున నాకు రా - మునిఁ గెల్చు టెంత !
దొడిగిన తూపుచే - దునుమునో తెలియఁ
బడదు రాఘవుని కో - పము సంగరమున !
అవనిజప్రియుఁడు రెం - డవ తూపుఁ దొడుగ
నవకాశమిచ్చుగ - దా యంతలోనఁ
బ్రతినతో నేరక్త - పానంబు సేతు
నతని తమ్మునిఁ బట్టి -- యనుమానమేల
మొనలోన రాఘవా - మోఘాస్త్ర మేను
కనుచాటు చేసి యే - గతినైనఁ దొలఁగి 1020
చంపి వచ్చెద నంత - జనకజ మదిని
ముంపుకొన్నట్టి రా - ముని యాసఁ దీఱి
నినుఁ జేరునప్పుడు - నిరుపమానంద
మునఁ జెందు మేలు రా - మునియెడ భయము ?”
అనుచునుండగ నీల్గు - లావలింతలును
తను నెచ్చరింప ని - ద్రారతుఁడగుచు
గ్రక్కున నాకుంభ - కర్ణుండులేచి
చక్కగా నింటికిఁ - జనిన యవ్వెనుక
సీత యొప్పక యింత - సేయునే యనుచుఁ
జేతోభవానల - శిఖల వెలుఁగుచును 1030
దాలిమి చాలని - దనుజేంద్రుతోడ
బాళివుట్టగ మహా - పార్శ్వుఁ డిట్లనియె.
