491
కిష్కింధా కాండము
సుగ్రీవుఁ డపుడు రా - జుల కిచ్చకముగ
నాజ్ఞసేయక మానఁ - డతివను బాసి
యజ్ఞుఁడై కామాంధుఁ - డైనరాఘవుఁడు5190
తనకేల యనుగాక - తగదుపొమ్మనుచుఁ
గనిపించుకొనఁ డిట్లు - గానేల మనకు?
చపలాత్ములై చేరఁ - జనుట కాదందు.
అపరాధులగువార - లధిపులకడకుఁ
బోవుదమందని - పోరాదు మఱలి
చావ నేమిటికి! మో - సమువచ్చె"ననుచు
ననిన తారాగ్రజుఁ - డైన తారుండు
తనకుఁ దోచియట్టి - దారి నిట్లనియె.
-:తారుఁడు బిలములోనే యుండిపోవుదమని వానరులకు బోధించుట - వానరు లందుల కంగీకరించుట:-
"ఎందును బోనేల? - యీరిక్షబిలము
నందులో నుండుద - మందఱుఁ గూడి5200
ఇచ్చోట మనకు నె - య్యెవి లేవు? మనసు
వచ్చినగతి నుండ - వచ్చు నెన్నటికి!
ఈరామసుగ్రీవు - లేల యింద్రునకు
జేరవచ్చునె యిట్టి - చీకటిబిలము?
కాదని వేఱొక్క - కడ కేఁగి యుండ
రాదు క్రమ్మరఁబోవ - రాదెఱింగియును!"
అన విని యిదిబుద్ధి - యవునని మెచ్చి
వనచరు “లిదియె యె - వ్వరికి సమ్మతము