ద్వితీయాశ్వాసము
115
భావించి యేఫక్కిఁ ◆ బలికితి రట్ల
లేకపోయినవి తొ ◆ ల్లిటివి యేమియును
మాకు దుర్మోహంబు ◆ మదమును బోలె
ననుటయు మత్స్యేంద్రుఁ ◆ డల్లన నవ్వి
వినుము గోరక్షక ◆ వెలయ శరీర
సిద్ధులాదిగఁగల ◆ సిద్ధులన్నియును
సిద్ధించెమును మీకు ◆ శీతాంశుధరుఁడు
మన్నన నొసఁగిన ◆ మహనీయమహిమ
లన్నియు నొసఁగెద ◆ మవి నీవు దాల్పు
ప్రథమ శిష్యుండు చౌ ◆ రంగి మా కయిన
బుధగుణంబులను ని ◆ పుణుఁడవుగానఁ
బ్రఖ్యాత రాజ్య భా ◆ రముఁదాల్చి సిద్ధ
ముఖ్యుండనై నీవు ◆ ముదమున శిష్య
జనబోధకరయోగ ◆ శాస్త్రంబు లెలమి
నొనరింపు మనుటయు ◆ యోగి శేఖరుని
చరణంబులకు వ్రాలి ◆ చౌరంగినాథుఁ
డరయ మాకంటెను ◆ నగ్రశిష్యుండు
మైకొనఁ బంపుఁ డే ◆ మరక యయ్యనఘుఁ
జేకొని మిముఁ బోలె ◆ సేవింతు ననిన
నగు నది చెప్పిన ◆ యట్ల మాయాజ్ఞ
మిగిలి యాతఁడు తెంపు ◆ మెయి నిన్ను మొఱఁగి
మమ్ము సందర్శింప ◆ మాల్యవంతముకు
గ్రమ్మఱి వచ్చిన ◆ గతమునఁ జాలఁ
గోపంబు వొదవిన ◆ గురుపదంబునకుఁ
బాపినారము గాన ◆ పాత్రుండ వీవె
నావుడు శ్రీ గురు ◆ నాథ నీ వలుగ
నేవెంటఁ దలఁప నే ◆ నెంతటి వాఁడఁ
దప్పులన్నియు భవ ◆ త్పదపద్మసేవ
నొప్పులైనవి మున్ను ◆ నున్న వేమిటీకి
నేరకున్నను రక్ష ◆ ణీయుల మమ్ముఁ
గారుణ్యమునఁ బ్రోవఁ ◆ గా మీకుఁ బోలు
మన్నింపు మనుటయు ◆ మా మాటదప్ప
