ఈ పుట ఆమోదించబడ్డది
ఒక దినములో ఏ సమయమందు పుట్టినా, ఆ సమయము ఏ లగ్నములోయున్నదో చూచుకొనుటకు, సూర్యుడు ఏ రాశిమీద ఎంతకాలము తన కిరణములను ప్రసరించుచూ ముందుకు పోవునో ఆ కాలములను తెలుసుకొందాము. కాలచక్రములోనున్న సూర్యుడు కర్మచక్రములోని పన్నెండు రాశులమీద తన కిరణములను ప్రసరించినప్పుడు, ఏ రాశిమీద ఎంతకాలముండునో ఆ రాశికి సమానముగాయున్న కాలచక్ర లగ్నమును జన్మించిన మనిషి జనన లగ్నముగా, జాతక లగ్నముగా చెప్పవచ్చును. సూర్యుడు కర్మచక్ర రాశులమీద కిరణములు ప్రసరించు కాలమును, కాలచక్ర లగ్న పరిమాణములుగా చెప్పుచున్నాము చూడండి.
ఒక గంటకు 60 నిమిషములున్నట్లు ఒక గడియకాలమునకు 60 విగడియలుండును.
ఒక గంటకు 2.½ గడియ అగును. ఒక నిమిషమునకు 2.½ విగడియ అగును.
