ఈ పుట అచ్చుదిద్దబడ్డది
172
ద్విపదభాగవతము
గోల వ్రేసిన మ్రోఁగు కోల్పులిభంగి
వాలమ్ములురమున వడిఁగీలు కొలుపఁ
[1]గాలాగ్నిసదృశభీకరచక్రనిహతి
ముడివడు బొమలతోఁ బొలుచు మస్తకముఁ
బడవైచి యార్చె; నీ భంగి శాత్రవుల
నిరివురఁ బొలియించి నిందిరాధీశుఁ
డరుదెంచె ద్వారక కమరాళి పొగడ.
కాశిరాజు కుమారుఁడు రుద్రుని వరమును బొంది కృత్తిని బుట్టించుట
కాశీశ్వరుని తల ఘనచక్రనిహతిఁ
గాశిగాఁగూలినఁ గని పౌరులెల్ల
నడరి సోద్యంబంద యాయొక్క శిరము
పడియె కుండలమణిప్రభలతో నపుఁడు.
అతివలు దుఃఖింప నతని నందనుడు
సితకీర్తియగు సుదక్షిణుఁడను వాఁడు
తన తండ్రి తల యౌటఁదా నిశ్చయించి
ఘనభక్తి నగ్నిసంస్కారంబు సేసి
యతుల సమాధి నిష్ఠాత్ముఁడై ప్రమథ
పతినాత్మనిలిపి తపంబాచరింప;
హరుఁడు ప్రత్యక్షమై “యడుగుము నీకు
వరమిత్తు” ననుటయు వాడు “మజ్జనకుఁ180
జంపిన పాపాత్ము సమయించు నట్టి
- ↑ ఒకే పాదమున్నది
